sudarts

هلا وغلا بيك زائرنا الكريم ...يسعدنا دخولك للمنتدى ..او التسجيل ...لتكون ضمن اسرتنا التى ستسعد بكم كثيرا ..وللاستفاده بشكل اكبر من خدماتنا ...وبالتاكيد لانك مميز ستضيف الينا الكثير....يا مراااااااااحب
sudarts

حيث تحلو المشاركة

New 1 تتقدم اسرة المنتدى لكل الاعضاء والزوار باحر التهانى بالعام الجديد 2017 مع تمنياتنا لكم بالتوفيق وان تقضوا معنا احلى الاوقات An04

هام وعاجل مطلوب مشرفين ومشرفات

المواضيع الأخيرة

» يا هلا بيكم
الأربعاء ديسمبر 24, 2014 4:30 am من طرف Nassem

» فوائد الخيار
الأحد نوفمبر 30, 2014 1:22 pm من طرف اية

» كرة كريكت تقتل لاعبا
الأحد نوفمبر 30, 2014 11:16 am من طرف اية

» سجل حضورك اليومى بالصلاة على النبى صلى الله عليه وسلم
الأحد نوفمبر 30, 2014 11:09 am من طرف اية

» بطاطس معدلة وراثيا تقاوم "اللفحة المتأخرة"
السبت نوفمبر 29, 2014 10:34 am من طرف اية

» مهرجان كوبنهاغن الدولى للرمال
السبت نوفمبر 29, 2014 9:21 am من طرف اية

» النبيل المتوحش عايز ايميلك بصورة عاجلة
الإثنين أبريل 28, 2014 9:02 pm من طرف Nassem

» واتساب يضيف اجراء المكالمات كخاصية جديدة
الثلاثاء فبراير 25, 2014 12:38 am من طرف Nassem

» بالفيديو.. خروج نيران ودخان من باطن الأرض يثير الذعر في اليمن
الجمعة فبراير 21, 2014 9:35 pm من طرف Nassem

» صخرة عملاقة تتجه نحو الأرض
الإثنين فبراير 17, 2014 7:26 pm من طرف sandy

» تصفيات كاس العالم مباشر نقلا عن الفيفا
الإثنين نوفمبر 18, 2013 2:00 am من طرف Nassem

» انواع الحب التي يجب ان تتجنبها حواء
السبت نوفمبر 02, 2013 4:45 pm من طرف Nassem

» عيد سعيد
الإثنين أكتوبر 14, 2013 4:02 am من طرف Nassem

» حزب الأمة السوداني يلوح بالانشقاق من تحالف المعارضة
الخميس أكتوبر 10, 2013 7:43 pm من طرف tawsul mohamed

» إيتو يعدل عن اعتزاله الدولي وجاهز للمشاركة أمام تونس
الأربعاء أكتوبر 09, 2013 8:49 am من طرف Nassem

مكتبة الصور


أفضل 10 أعضاء في هذا المنتدى

Nassem - 3272
 
sandy - 1181
 
sara mohammedsaleh - 1039
 
فرح - 785
 
اية - 703
 
النبيل المتوحش - 537
 
زول القصيم - 270
 
معاذ - 151
 
NANY - 151
 
p!nk angel - 130
 

أفضل 10 أعضاء في هذا الشهر

أفضل 10 أعضاء في هذا الأسبوع

تدفق ال RSS


Yahoo! 
MSN 
AOL 
Netvibes 
Bloglines 

who on line


التحرش الجنسى

شاطر
avatar
فرح
مشرف
مشرف

تاريخ التسجيل : 29/06/2009
الموقع : السودان/الخرطوم
المزاج : سئ

نقاش التحرش الجنسى

مُساهمة من طرف فرح في السبت ديسمبر 29, 2012 5:26 pm

السلام عليكم ورحمة الله وبركاته..
الاخوة والاخوات الاعضاء الكرام فى منتدانا الجميل سودارتس, الليلة حبيت اختار كأول موضوع بعد غيبة طويلة عن المنتدى انى اتكلم عن التحرش الجنسى ..
عارفة انو موضوع حساس جدا وبيمسنا كلنا بنات واولاد.. حابة انو الموضوع دا نتناقش فيهو بموضوعية ووعى بدون تحيز .. وكام حابة انو ما يكون زى باقى المواضيع اللى اتعرضت للنقاش هنا يكون الكاتب براهو بيقول رايو والبقية بيقولوا اااى والله وتسلم ع الموضوع الحلو وتقبل مرورى.. عايزين نشاط ونقاش جادى لو سمحتوا..
اولا.... الاسباب ..
بسمع كتييير من الاولاد وبعض البنات الاتناقشتا معاهم فى الموضوع دا انو السبب الرئيسى للتحرش بالبنات فى الطريق العام وفى المواصلات وفى العمل هو اللبس الضيق والقصي والبيوصف الجسم وب انو بيتفز الاولاد وبيدفعهم للتحرش بالبنت.. طيب ى ناس انا اقول ليكم راااى بالنسبة للسبب دا: اولا ما فى علاقة لانى انا بنت وطلعت بكل الاشكال الممكنة لو ب اسكيرت وبلوزة او فستان او توب او عباية وفى كل الاوضاع ما كنتا فى وضع يخلى الاولاد يشاغلوا ويعاكسوا بس برضوا سمعتا كلام يبكى يعنى ما لابسة قصير ولا ضيق يستفز زى ما بيقولوا بس برضو اتعاكستا..
و كمان وب اعتراف شخصى من ولد بيقول انو بيعاكس حتى المنقبات وما بيخليهم فى حالهم بس عشان يملا فراغ ويقضى وقت.. يعنى السبب ما لبس البنت ( انا ما بنكر ان فى اشكال بتاعة لبس شينة حاصلة ) بس كمان ما كل البنات كدا...
ثانيا:
الاولاد يقولوا انو دا نوع من الرجالة( الرجالة تطير)
وكمان يقولوا ليك لو البنت ماشة كويس ما بتتعاكس.. عزيزى الشاب الموهوم وحاسى انو البنات مكسرين فيك ومنتظرين معاكستك الكريمة عشان ترفع روحهم المعنوية , ارحم نفسك وارحمنا ياخ.. لان كلكم عندكم اخوات واكيد ح يمروا بنفس الموقف اذا ح تفترض انو اختك برضوا ما كويسة عشا ن كدا اتعاكست؟؟

يلا ى حلوييين شاركونى رايكم وورونى منو الغلط البنات ولا الاولاد؟؟

معاذ
ستار مشارك
ستار مشارك

تاريخ التسجيل : 13/02/2011
المزاج : قنوع

نقاش رد: التحرش الجنسى

مُساهمة من طرف معاذ في الأحد ديسمبر 30, 2012 9:38 am

وووووو موضوع جميل جدا للطرح والنقاش وخصوصا من لدية تجربة فليحكي للنظر والافادة ، ما في شك المعاكسة موجودة وليس التحرش ، فلامعاكسة مهما كانت لطيفة او جارحة فهي عندي بي ميزان واحد ، ما في مانع من ابداء الاعجاب في نطاق المعرفة المسبقة ام غير ذلك فهو يندرج في خانة المعاكسة
avatar
tawsul mohamed
ستار مشارك
ستار مشارك

تاريخ التسجيل : 16/10/2012
المزاج : على حسب

نقاش رد: التحرش الجنسى

مُساهمة من طرف tawsul mohamed في الثلاثاء يناير 01, 2013 9:13 pm

فعلا الموضوع حيوي والاسباب كتيرة ومن الجانبين كمان، واحيانا الشباب بقلد البشوفو ع النت والفضائيات تقليد اعمى ناسين نحن لينا دين واعراف، وبالجد الشباب عندنا محتاج لتغيير كتير من مفاهيمه، ويعرف يستقل اوقات فراغه فى حاجات مفيدة..
avatar
Nassem
المدير العام
المدير العام

تاريخ التسجيل : 25/06/2009
الموقع : فى مكان ما overseas
العمل/الترفيه : Karamars Trading Company
المزاج : رايق

نقاش رد: التحرش الجنسى

مُساهمة من طرف Nassem في الأربعاء يناير 02, 2013 6:37 pm

هلا وغلا بيك يا فرووووووحى والله مشتاقين وكل سنه وانتى طيبه

بالنسبه للموضوع فهو هاااااااااااام ويجب النقاش فيه من كل الجوانب ويا ريت زى ما قالت فرح كلنا نشارك بشكل ايجابي ومفيد ويا ريت كلنا نعمل بحث عن الموضوع ونشارك هنا

دى مشاركه ترحيب منى ولى عوده بمزاااااااااج لانو حكتب عن الكل اولاد وبنات وعلى من تقع المسئوليه دى الدايرن نعرفها

يلا يا حلوين لقدااااااااااام


_________________
[ندعوك للتسجيل في المنتدى أو التعريف بنفسك لمعاينة هذه الصورة]
avatar
اية
ستار فنان
ستار فنان

تاريخ التسجيل : 09/06/2010
المزاج : صافى

نقاش رد: التحرش الجنسى

مُساهمة من طرف اية في الخميس يناير 03, 2013 3:40 am

المعاكسة بقت مرض لانو ماليها علاقة بالبس وفعلا لو الواحد قبل يفكر يعاكس
ويحكم على البت انها مالابسة كويس ولا لا انو كمان تدين تدان
وتزكر انو عندك اخت ممكن تكون فى نفس مكانا
avatar
فرح
مشرف
مشرف

تاريخ التسجيل : 29/06/2009
الموقع : السودان/الخرطوم
المزاج : سئ

نقاش رد: التحرش الجنسى

مُساهمة من طرف فرح في الجمعة يناير 04, 2013 9:20 am

ازيكم شبابا وشابات حلوييين..
سورى اتاخرتا فى الرد بس امورى جايطة لكن اها جييييينا نشوف النقاش وصل لشنو..
الاخ معاذ: البيحصل فى الطريق العام والمواصلات العامة بيتعدى المعاكسة للتحرش, سواء بالكلام الوقح او الحركات واللمس احيانا كثيرة.. يبقى نحن بنتكلم عن التحرش اكتر من المعاكسة..
يعنى لمن اشتكى لزول من المعاكسة يقوم يضحك ويقول لى مفروض تفرحى انو فى زول عاكسك ودا بيرفع روحك المهنوية.. ياخى انا عاجبانى روحى المعنوية كدا زى ما هى...
توسل الحبيبة:
بالنسبة للشباب والشابات على حد سواء ف هم بيقلدوا تقليد اعمى للحاجات الفى النت وال تى فى بس كمان رضينا بعواليق الهدوم مفروض نرضى بقلة الادب والتحرش الصريح فى المواصلات العامة وفى الشوارع..
ايوتة العسل:
بالنسبة لاى شاب فى الدنيا البنات كلهم كعبات الا اختو الشريف الرضى ولو عرف حتى انها بتتعاكس فى الشارع ف هو ح يشاكلا ويمكن يضربا بدل ما يتصرف مع الزول العاكسا ع اساس انها لو ماشة كويس حما ح تتعاكس(غبى)
avatar
اية
ستار فنان
ستار فنان

تاريخ التسجيل : 09/06/2010
المزاج : صافى

نقاش رد: التحرش الجنسى

مُساهمة من طرف اية في السبت يناير 05, 2013 11:51 pm

غباء مركب بعيد عنك يافرح
avatar
Nassem
المدير العام
المدير العام

تاريخ التسجيل : 25/06/2009
الموقع : فى مكان ما overseas
العمل/الترفيه : Karamars Trading Company
المزاج : رايق

نقاش رد: التحرش الجنسى

مُساهمة من طرف Nassem في الإثنين يناير 07, 2013 2:26 am

اولا التحرش بالمفهوم له معانى كتيرة فهو لفظى او يتعدى ذلك باللفظ والحركات او اللمس وينتهى بالاغتصاب

ولكن المسئوليه تقع على الشباب ؟؟؟؟؟؟؟؟؟؟؟ فقط دون البنات

ارى اختى فرح انك كتبتى طوالى عن الشباب لانو الفئه المستهدفه البنات علما انو كل البنات ما زى بعض ولا كل الاولاد والمسئوليه مشتركه ومتساويه فى بعض الاحيان ولكن بتحصل كتير من الاولاد بشكل لفظى يعني ما وصلنا مرحله الهنود ولا انا ما عارف ؟؟؟؟؟؟؟

نجى للاسباب شنو طيب يا حلوين

اولا الفراغ القاتل والعطاله وعدم الاستفاده من الوقت فى شئ جيد

ونزيد الكبت النفسي لانو كميه الشباب فى سن الزواج ولا يجدون طريقه للوضع

انا بشوف الناحيه النفسيه هى الاهم لانو العطاله عمرها ما كانت مسئوله عن تصرف الشخص يعني لو كانت سرقه ممكن اقول عشان محتاج بس فى علم النفس فى حاجات كتيرة محتاجه اشباع والمشكله حسي انو الرغبات بقت مكبوته ومنفجره مع الانفتاح الغلط على العالم كمثال المسلسلات التركيه والتوهم انو الاتراك رومانسيين

وانا شخصيا وبحكم معاشرتى للاتراك بشوفم زى الصعايده او اكتر وما يعرض كمسلسل لا يمت للواقع التركى بصله واتحدى اى زول يجي يقول لي عكس ذلك ...

يعني اتخيلو معاى زول جواهو كل الحاجات دى اكيد بيحاول يعكسها بشكل لا ارادى ربما او عشان يجرب حظو

...نجى للبنات هن زاتن زى الاولاد يعني طالعه مشوار بتقعد تعمل ليها كم كيلو كريمات ع منكير وبدكير ووووو وريحه زى الابريه بتلم الماش والجاى

واللابسه كيف ..مع انى ما بحكم على البنات باللبس نهائي لانو ممكن تكون لابسه حجاب وبتعمل الفى راسها وممكن تكون لابسه مودرن وبت ناس ...فهل فى طريقه حيعرف بيها الشاب البت دى من ديك

فى نوعيه بنات كمان ديل براهم يعني بيحاولو الايقاع بالشاب بنظره او كلمه او غيرو وهاك يا رقم موبايل وفى الاخر تتسجل قضيه فى النظام العام او يزداد طفل لاطفال المايقوما ده لو ما مات فى اى مكان اخر

انا مستغرب جدا لانو بقرا فى موقع خبر يقول القبض على طبيب الاجهاض المعروف وزوجته فى حاله سكر

والله الخبر ما اهتميت بيهو اكتر من كلمه طبيب الاجهاض ....

طبعا كلامى ده مشكل ولكن فى نفس الموضوع

بشوف المشكله فى الاسرة اولا واخيرا والمرأة بشكل خاص دى بخت تحتها مليون خط

لانو سيده المنزل هى المسئوله عن تربيه الاطفال فى الغالب فى غياب دور الاب

طيب كم وحده مطلقه او ارمله او راجلها زاتو مافى ؟؟؟؟؟؟

وكم وحده فعلا تستحق تكون ست بيت

لانو الام مدرسه اذا اعددتها اعددت شعبا طيب الاعراق

يعني التربيه فى الاول والاخير هى المقياس

لانو الاولاد والبنات اذا اتربو كويس بغض النظر ابوهم ولا امهم معاهم

بنتاكد انو فى بذرة صالحه طلعت للمجتمع

والتربيه فى ناس بتعتقد بتنتهى فى مرحله محدده بالعكس تماما

التربيه متصله بشكل او اخر

نضيف كمان انو زمان كان فى دور للاسرة الكبيرة او اهل الحى ولكن بتغير ديمغرافيه العاصمه كمثال اصبح اى زول يردد انا مالى لانو يدو فى المويه البارده وما بعرف انو لو ما عمل الصح حسي ممكن يصلو هو زاتو فى يوما ما والناس حتقول ليهو وانا مالى

ما بعرف هل افدت ام لا بس لى عوده ودايرين نعرف حسي الاسباب التى تجعل الشباب يعاكس او يتحرش اذا كانو بنات او اولاد بشكل حيادي جدا

تحياتى


_________________
[ندعوك للتسجيل في المنتدى أو التعريف بنفسك لمعاينة هذه الصورة]
avatar
tawsul mohamed
ستار مشارك
ستار مشارك

تاريخ التسجيل : 16/10/2012
المزاج : على حسب

نقاش رد: التحرش الجنسى

مُساهمة من طرف tawsul mohamed في الأربعاء يناير 09, 2013 11:41 pm

انا بتفق مع نسيم بس حابة اضيف نقطة
الوازع الدينى بقى ف مجتمعاتنا ضعيف والشباب ما مهتم كتير انه ف رب مراقب اى تصرف والواحد ما بفكر انه عنده اخت ام زوجة ممكن يحصل معاها نفس الشئ العملوه فى بت الناس (كما تدين تدان).
بعدين ف فرق بين التحرش بصفة عامة والتحرش الجنسى بفصة خاصة، التحرش الجنسى هو الاقوال والافعال والايماءات ذات المضمون الجنسى واحيانا يتجاوز المتحرش الحدود ويستخدم اساليب يجس بيها نبض البنت.
ومن وجهة نظرى هو ظاهرة خطيرة واسبابها كثيرة البطالة تأخر سن الزواج، ضعف الوازع الدينى، والصراحة البنات بلعبه دور كبير انا قبل يومين شفت بت ف السوق العربى لابسة حاجة غريبة الجسم مفصل كله انا البت استيحت اشوف المنظر دا بس لما تمشى بجنب الشباب والباعة والطلبة تفتكرو كم كلمة حتسمعها دا اذا وقفت ع الكلام بس.

معاذ
ستار مشارك
ستار مشارك

تاريخ التسجيل : 13/02/2011
المزاج : قنوع

نقاش رد: التحرش الجنسى

مُساهمة من طرف معاذ في الإثنين يناير 14, 2013 7:12 am

لحظة التحرش تكمن في وقت التحرش بالفتاة وتزال هذه المتعة والشعور بالندم الخفي بعد الفراغ والمضي قدما من هذا الموقف المحرج ، نعم حتى المتحرش يشعر بالحرج من هذا الموقف ، باعتبار انه من ضمن فئات المجتمع امام العامة هو بي شخصية وفي الخفاء هو بي شخصية الخ لذلك في لحظات السكون والصفاء الكل يشعر بي ندمه صاحبة اللبس المعين وصاحب التعليق المعين كلاهما يشعر في قرارة النفس بالادانة

    الوقت/التاريخ الآن هو الإثنين فبراير 19, 2018 4:26 pm